في البداية كدة لمبة الزيت بتبقي علي شكل مركب وتحتها نقطة ..
لمبة الزيت الموجودة في التابلوه بتبقي عبارة عن مؤشر لمستوي الزيت الموجود في الموتور وتحديداّ في كارتيرة الزيت وطبعاّ نظراّ لأهمية الزيت في تزييت وتبريد كل جزء جوه الموتور كان لازم يبقي فيه مؤشر ينبهنا لو الزيت نقص في الموتور وده فعلاّ اللي بيحصل إن الزيت لما بينقص عن الحد المسموح بيه لأي سبب من الأسباب بقي سواءّ كانت العربية بتاكل زيت أو فيه تسريب من الكارتيرة أو إن الزيت متغيرش بقاله فترة كبيرة أوي ولزوجته راحت كل دي عوامل بتخلي لمبة الزيت تنور وتطفي مع وجود صفارة خطر وفي الحالة دي لازم فوراّ توقفوا العربية لأن لو كملت واللمبة بتنور الموتور هيتكسر ..