أختلفت عليه شركات كتير أوي يعني مثلاّ شركة زي شيفروليه بتقول التغيير بيبقي كل 15.000 كيلو لكن شركة زي فورد بتقول التغيير بيبقي كل 12.000 كيلو وشركة زي هوندا بتقول التغيير يبقي كل 20.000 كيلو ..
وبتختلف شركة عن التانية حسب ظروف السواقة يعني الراجل ده بيسوق كتير وبيطلع علي سفر كتير والراجل ده مريح العربية وعلي قد الشغل رايح جاي وخلاص وحسب المدينة اللي أنت عايش فيها يعني المقصود هنا بالتلوث والعوادم !!
كل ده فعلاّ بيفرق جداّ في ميعاد التغيير لكن خلينا متفقين إن فلتر الهوا بمجرد النظر ليه أنتوا بتعرفوا هل هو محتاج حالياّ إنه يتغير ولا لأ !! ومن المفترض يعني إن قبل تغيير فلتر الهوا لازم فيه فترة هيتنضف فيها يعني مثلاّ أنتوا هتغيروا الفلتر كل 15.000 كيلو يبقي أنت كل 4.000 كيلو هتفكوه وتخرجوه يتنضف بمسدس هوا كويس جداّ ويتركب تاني وهكذا لحد ما توصل للـ 15.000 كيلو أو المدة اللي أنت هتغير عليها تروح مغيره علي طول !!
وإحنا بنقول إن فلتر الهوا لو هنتكلم في الصح أوي ومع الجو هنا في مصر يبقي الفلتر يتغير كل 20.000 كيلو