صوت الطقطقه في الملفات ده وإن دل علي شئ فا بيدل علي إن الكبالن غالباّ بدأت تبوظ أو بمعني علمي أصح بدأ البلي المكون للكوبلن يفرط أما بالنسبة للحل فا أنا اللي أنصح بيه إنك طالما سمعت صوت طقطقه من الكوبلن لازم يتغير بس مش معني كدة إنك مجرد ما تسمع صوت طقطقه خفيف أوي تقوم تجري تغيره لأ طبعاّ محدش بيقول كدة لكن مع الوقت هتلاقي صوت الطقطقه بدأ يزيد وأنت من نفسك هتقول لنفسك لأ ده كدة بقي لازم يتغير مينفعش أستني أكتر من كدة !!
والصح بقي طالما إنك بدأت تسمع صوت طقطقه من الكوبلن خفيفة يبقي تبدأ تخلي بالك بقي طب إزاي ؟ يعني مثلاّ متدوسش بنزين في الملفات ودايماّ خلي العربية في وضع المور أو دوس دبرياج ومن وقت للتاني أبقي أكسر الفردة يمين وشمال وبص علي كاوتشة الكوبلن وأتأكد إنها سليمة مش مقطوعة عشان الكوبلن ميلمش تراب والشحم يبوظ.