العربيه مغيرلها كبالن وعملتلها دوره مياه عشان المياه اللي فيها كان لونها معكر
والبطاحه اللي ع اليمين كانت مش مظبوطه ولما شافها الميكانيكي قال انها اصلا بطاحه الشمال بس محطوطه يمين المهم قولتله اجبلها واحده جديده تانيه ؟ قالي لأ انا هحلها واظبطها وارجعها
العربيه بسبب البطاحه كانت حادفه سنه ع اليمين دلوقتي بقت تمام بس في صوت لما يبقى في مطب نازل او مطب طالع كبير بسمع صوت طقه بصيت كده
ومن فتره لما ادوس فرامل قبل ما العربيه تنزل سرعتها ل 20 ولا حاجه بسمع صوت وانا دايس ع الفرامل زي صوت كحت الفرامل في العجل كده بس الفرامل شغاله تمام ومع العلم اني لما وديتها للميكانيكي قالي ان الفرامل والزيت وكل حاجه فيها تمام وكانت بتعمل الصوت بتاع الفرامل ده قبل ما اروحله بكام ساعه
يا ريت اللي يفهم في كل الحاجات دي يفيدني عشان العربيه جايبها مستعمله بس هي ما شاء الله كويسه ع الطريق وثابته
وحاجه كمان بس مش باينه اوي انها بتاكل بنزين ف ممكن تكون المشكله في ايه ؟
شكرا مقدما :)