لازم الأول تتأكد إذا كان زيت موتور ولا زيت فتيس ولو أتأكدت إنه زيت موتور وبصيت علي المقاس لقيت زيت الموتور فعلاّ ناقص يبقي الإحتمال الأول بنسبة 90% إن السبب في كارتيرة الزيت واللي هي تعتبر بيت زيت الموتور وطالما الكارتيرة بدأت تجيب زيت يبقي هتبقي مضطر إنك تغير جوان الكارتيرة وعشان تغير جوان الكارتيرة هتروح لأي ميكانيكي هيفك الكارتيرة وينزلها وينضفها كويس جداّ وبعدين يحط جوان وسيليكون ويقفل الكارتيرة ويبقي كدة المشكلة أتحلت بإذن الله .. أما الإحتمال التاني وهو إن الفلتر يبقي مخروم وبيجيب زيت وده بيحصل لأي سبب من الأسباب بقي .. أما الإحتمال التالت وهو إن طبة الزيت مش متقفلة كويس فا بتهرب زيت مع كبس الموتور.