+1 تصويت
في تصنيف المحركات بواسطة (12.3k نقاط)

1 إجابة

0 تصويتات
بواسطة (12.3k نقاط)
 
أفضل إجابة

تغيير حساس الكرنك لعربيه النترا 2010
وكالمعتاد
اى شغل حضرتك هاتعمله – هاتعمله على مسئوليتك الشخصيه – انا غير مسئول نهائيا فى حالة وجود اى معلومه خاطئه فى الموضوع بتاعى
نبدء على بركة الله
الشغل فى عربيه النترا 2010 (الموتور الجديد) 
الاعراض اللى خلتنى اغير الموتور – العربيه بتبرجل بدون اى سبب – لما باجى اهدى لمبة التشيك اوقات كانت بتنور والعربيه بتبطل منى وعلشان تدور لازم كنت احاول ادورها 3 أو 4 مرات ------ وفى النهايه حطيت العربيه على الاسكانر وطلعت المشكله فعلا فى حساس الكرنك أو crankshaft sensor
تم شراء السنسور من التوفيقيه ب 200 جنيه
نبدأ بسم الله الرحمن الرحيم – والمره ديه مفيش داعى لفصل البطاريه
علشان نشتغل لازم ترفع العربيه ويا سلام لو عرفت ترفع الجزء الامامى كله هاتسهل على نفسك كتيييييييير
نام تحت العربيه هاتلاقى السنسور مكانه فى وسط العربيه من تحت جنب فلتر الزيت على طول
هانبدأ بأننا نوسع لنفسنا شويه ونفك الكارتيره اللى تحت الموتور
001
[img]http://s18.postimg.org/rh6sb2a6x/001.jpg[/img]

بعد كده هاتفك المسمار بتاع السنسور وتهز السنسور بالراحه شمال ويمين لغاية لما يطلع فى ايدك – وهاتلاقلاى شوية زيت وقعوا - عادى – وعارف ان الصوره ديه مش موضحه اوى لكن الصور اللى جايه هاتفهمك كل حاجه
002
[img]http://s30.postimg.org/pgx072vdd/002.jpg[/img]

بعد كده اطلع من فوق من حوض العربيه هاتلاقى السنسور واقع وهاتعرف مكان الفيشه بتاعته فين – بدل السنسور القديم بالجديد وخلى بالك ان الفيشه بتاعت السنسور بتبقى متعلقه على جزء حديد صغير علشان متتحركش
ديه صورة الفيشه بالسنسور القديم
003
[img]http://s18.postimg.org/b8qk1l1cp/003.jpg[/img]

وديه صوره بالسنسور الجديد
004 + 005
[img]http://s30.postimg.org/q7pqcuxqp/004.jpg[/img]
[img]http://s18.postimg.org/8tyoh5l3t/005.jpg[/img]

ارجع انزل تحت العربيه تانى وركب السنسور الجديد فى جسم الموتور بالمسمار بتاعه – وديه صور واضحه للسنسور بعد تركيبه علشان تعرف مكان السنسور صح
006 + 007

[img]http://s18.postimg.org/cz9l32ivt/006.jpg[/img]

[img]http://s18.postimg.org/ax93otkwp/007.jpg[/img]

جرب تدور العربيه ممكن تبرجل معاك لحظه فى الاول – لكن بعد كده هاتظبط ان شاء الله
ارجع ركب الكارتيره بتاعتك

مبروك عليك تسارع نسبيا كويس – اختفاء مشكلة التبطيل - هدوء نسبى فى صوت الموتور

وطبعا انتوا عارفين ان مفيش حاجه ببلاش فى الدنيا ديه
اذا كنت استفدت بأى حاجه من الشغل اللى انا عملته ده – أسألك الدعاء لوالدى بالرحمه ولوالدتى بالشفاء ---- طبعا عايز تفتكرنى انا وعيالى بأى حاجه اهو كله فى ميزان حساناتك

اسئلة متعلقة

0 تصويتات
1 إجابة
سُئل مارس 18، 2016 في تصنيف بيـــع و شــــراء بواسطة AnitaTurman (12.3k نقاط)
+1 تصويت
4 إجابة
سُئل ديسمبر 7، 2020 في تصنيف نقاشات عامة عن السيارات بواسطة AngelitaBlan (13.2k نقاط)
+1 تصويت
1 إجابة
سُئل فبراير 29، 2016 في تصنيف نقاشات عامة عن السيارات بواسطة WilfredoFiel (10.4k نقاط)
...