و نفسي الناس اللي بتفكر بمنطق "صيني" ترد على سؤالي..
انت حضرتك شايف ان الصيني وحش مقارنة بالباقي..
حقك..
معنى كدة انك شايف ان الياباني مثلا رائع.. برضه حقك..
بس ايه رأيك كدة تقيم لنا نيسان مثلا في ال١٠ سنين الاخيرة فيما يخص السيارات الاقتصادية؟؟
ايه رأيك في الصني؟؟
ايه رأيك في السنترا؟؟
ايه رأيك في القشقاي لحد قبل ما ينقذوا سمعتها و يغيروا الفتيس؟؟
ماهو انا لو جيت في ٢٠١٢ و قلت لك خلي بالك.. نيسان هاتطرح الصني الجديدة في ٢٠١٣ و هاتكون عربية سيئة بمعنى الكلمة و هاتعمل كوارث ده غير ان شكلها سيئ".. هاتقول عليا مجنون..
طب ما تعامل الصيني بنفس المنطق
الصيني اللي بقاله ١٨ سنة في البلد و ماشي كويس اهو.. عامله بنفس منطق المفاجأت! انه" ممكن" يطرح عربية حلوة تنافس جامد..
طب و مفاجأت ليه؟؟
ماهي التيجو من ١٣ سنة بتنافس و بتبيع..
ماهي عربيات شيري و چيلي و BYD و MG و حتى شنجان و غيرهم ماشيين تمام..
ايه الفكرة في كلمة "صيني" ؟؟ ايه دلالتها يعني!؟
ولا حاجة..