0 تصويتات
في تصنيف إطارات وجنوط بواسطة (10.4k نقاط)

1 إجابة

0 تصويتات
بواسطة (10.4k نقاط)

1- كلام صحيح علمياّ إن النيتروجين موجود فى الهوا بنسبة 78% لكنه متوزع بشكل مختلف فى طبقات الهوا وإحنا عايشين فى طبقة أسمها التروبوسفير الطبقة دي النيتروجين فيها قليل نوعاّ ما لأنه غاز خفيف فا بيطلع للطبقات الأعلىوعشان كدة الحسابات فى المقارنة بناءّ على النسبة دي غلط إلا لو طلعت بالعربية لفوووووووق وعبيتها هوا فا ده موضوع تانى.
=-=-=-=-=
2- النيتروجين غاز خامل بارد وزنه الذرى أقل من الأكسجين وكثافته أقل من الأكسجين كمان عشان كدة الفرق مش كبير أوي فى السعة الحرارية بين النيتروجين والأكسجين بس طب ليه الهوا بيختلف عن النيتروجين فى موضوع التسريب من الكاوتش ؟! ده لأن النيتروجين تركيبه البلورى هيكسوجينال متماسك مع بعضه أما الهوا اللى بيتحط فى الكاوتشات تركيبه مش متناسق فا طبعاّ من الأفضل إنك تحط غاز واحد متسق مع بعضه من إنك تحط حفلة غازات فى الكاوتش فا عشان كدة النيتروجين مش بيتسرب بسهولة ومع زيادة درجة الحرارة وثبات حجم الكاوتش لازم هيتمدد بأقصى درجة ممكنة ويديلك ثبات أعلي على طريق السفر.
=-=-=-=-=
3- نيجى بقى لموضوع مقاومة الصدا طبعاّ هو أى حالة من حالات غياب بخار الماء والأكسجين هتخفف من إحتمالات الصدا لكن أغلب الكاوتشات الحديثة معالجة لمقاومة العوامل الجوية المختلفة.
=-=-=-=-=
4- موضوع إنه بيقلل من إستهلاك البنزين هي كل الفكرة إنه بيحافظ على الإستهلاك وبالتالى الطاقة المفقودة فى إهتزاز الغازات في الكاوتش بتكون أقل لكن مش بتختفى وبالتالى كفاءة المنظومة ككل بتزيد لكن مش بشكل مؤثر للدرجة يعنى.
=-=-=-=-=
5- طب أعرف إزاى إن ده نيتروجين ؟! أضرب شوية فى كوباية وأكتمها وحط فيها عود كبريت لو طفا يبقى ده نيتروجين لو فضل مولع يبقى ده هوا عادى لو الكوباية أنفجرت يبقى ده نيتروز ههههه =D

...