0 تصويتات
في تصنيف بيـــع و شــــراء بواسطة (10.4k نقاط)

1 إجابة

0 تصويتات
بواسطة (10.4k نقاط)

1- هتتأكد من أوراق ملكية العربية وده يشمل إنك تتأكد من رخصة العربية وتاريخ إنتهائها وتتأكد من تطابق أرقام الموتور والشاسيه المكتوبين في الرخصه بالأرقام المحفورة على الموتور والشاسيه.

2- أكشف على صاج العربية عشان تتأكد إن العربيه سليمة ومتعملش بيها حوادث قبل كدة وده بيبقي عن طريق إنك تاخد بالك من درجات لون العربية لو لقيت حتة مرشوشة بره المصنع لازم تتأكد من سبب الرش من صاحب العربية.

3- هتشوف العربية مشيت كام كيلو من العدادات بتاعتها.

4- هتكشف على الموتور وتسمع صوتها وتتأكد إن الشكمان مش بيطلع أدخنة غريبه وتبص على لون العادم اللي بيخرج من الشكمان لو كان لون العادم أبيض أو أزرق فاتح فا ده دليل على إن الموتور محتاجة لعمره جزئيه أو كليه بمعنى إن الموتور في الحالة دي بيبقي خفيف.

5- لو العربية فيها تكييف متنساش تجربه وتتأكد من سلامة الكاوتشات و البطارية.

6- سوق العربية بنفسك عشان تشوف كفائة العفشة والمساعدين والفتيس بينقل معاك بسهولة ولا لأ وعشان كمان تشوف قوة الموتور.

7- لو العربية فيها فتحة سقف أفتحها للأخر و أسمع صوتها ممكن تكون فيها خشونة وهي بتفتح أو تعمل طقطقه أو مش بتفتح للأخر عشان ممكن يكون السقف متسمكر أو السقف نفسه متغير.

8- هتبص على القايم اللي هو تحت الباب لما يتفتح ماشي خط واحد ولا معوج وفيه اّثار لحامات أو اّثار سمكره.

بس معلومة صغيرة مش معنى إنك لقيت حاجه بايظه خفيفه في الكهربا أو في العفشه مع إن باقي العربية حلوة إنك ما تاخدش العربية لأ خدها بس قول لصاحب العربية فيها مصروف كذا وكذا و هنخصمهم من اللي هدفعه لو هو رافع السعر عن المعقول يعني.

اسئلة متعلقة

...