ايهما أفضل سبورتاج الشكل القديم 2015 ولا سبورتاح الشكل الجديد 2017

0 تصويتات
سُئل فبراير 28، 2016 في تصنيف مقارنــــات السيارات بواسطة مهندس مصطفى يسري (12,110 نقاط)

إجابة واحدة

0 تصويتات
تم الرد عليه فبراير 28، 2016 بواسطة مهندس مصطفى يسري (12,110 نقاط)

لما واحد يسالك عن سبورتاج الشكل الحالي هتقوله .. عربيه ممتازه في السوق .. شكلها تحفه .. قطع غيار متوفره .. الاعتماديه عاليه .. سعر اعادة البيع ممتاز .. سحبها مش ممتاز بس كويس بالنسبه لحجمها و فئتها .. اوبشنها كذا و كذا و كذا .. عفشتها ممتازه .. عيوبها و مشكلها قليله جدا .. وكيلها محترم و مراكز الصيانة منتشره و متوفره .... 
طيب نسال نفس السؤال عن سبورتاج الشكل الجديد مش هتلاقي اجابه غير ان توكيلها محترم و مراكز صيانة منتشره و متوفره ... بس كدا ؟؟ اه بس كدا لان محدش يعرف عنها حاجه خالص ... طيب و شكلها التحفه الرائع ؟؟ و الله سيادتك في ناس معجبه بيه جدا و ناس تانيه شيفاه ضفدعه و دي ازواق ... طيب و الشكل القديم في انقسام عليه انه ضفدعه او سلحفه .. لا سيادتك كل العيون شيفاه احلى شكل عربيه في السوق من جميع الفئات ووالطرازات حتى الي معجبهمش يركبوا كوري بيعترفو ان سبورتاج 2015 شكلها تحفه بس انا محطش فلوسي في عربيه كوري .. 
رايي المتواضع لملاك الاسطوره الحاليين اتك على الصبر شويه و سيب غيرك يجرب الي مركبش اصلا سبورتاج قبل كدا و لو طلعت كويسه ابقي اشتريها لكن متبعش المعلوم و تشتري المجهول و بفلوس اكتر منه و خاصة انك مش راكب اي عربيه .. انت راكب الاسطوره فاهم يعني ايه الاسطوره و الناس التانيين بيبصوا عليك و انت ماشي في الشارع و يمصمصوا شفايفهم و انا كنت واحد منهم في يوم من الايام .. 
يا حضرات المستفيد الوحيد من الحدوته دي الوكيل الي بينزل العربيه نفس العربيه بس غير شكلها بزيادة سعريه 60000 جنيه و احنا بنقول عليه محترم ... عارفين هو محترم ليه علشان قدر يشتغلنا و يخليك تشتري عربيه باعلى من تمنها 60000 جنيه 
الانكت من كدا ان احنا شغالين الاعلام البديل لتوكيلات جشعه بتنهش في فلوس الناس و بنسوق لهم من غير هو ما يبذل اي مجهود و لا يصرف جنيه دعايه

اسئلة متعلقة

0 تصويتات
1 إجابة
0 تصويتات
0 إجابة
سُئل أبريل 29، 2016 في تصنيف مقارنــــات السيارات بواسطة Islam (120 نقاط)
...