0 تصويتات
في تصنيف إطارات وجنوط بواسطة (10.4k نقاط)

1 إجابة

0 تصويتات
بواسطة (10.4k نقاط)

الموضوع ده بيشكل قلق وحيرة بالنسبة لناس كتير والموضوع ده أنا شخصياّ كنت متلخبط فيه فا عشان كدة تعالوا نعرف إيه سر الموضوع ده وإيه الصح وإيه الغلط والموضوع ده كله من خلال تجربتي الشخصية وخبرتي وهحكيلكوا بظبط اللي حصل معايا ..


أولاّ:- طبعاّ من المعروف إن وحدة قياس ضغط هوا الكاوتشات هى PSI وهى إختصار لجملة (pounds per square inch) المهم إني حولت الوحدة دي لـ unit KG يعني بالكيلو جرام عشان أعرف لما بنزود الكاوتش علي 30 مثلاّ بيكون فيه قد إيه كيلوجرامات جوه الكاوتش ولقيت إني مثلاّ لو هزود الكاوتش علي 30 PSI بيكون في الكاوتش ما يعادي بالكيلوجرامات 2 كيلو ..


لما بصيت بقي علي الكاوتش نفسه عشان أعرف أقصي ضغط بيتحمله الكاوتش لقيت إن الكاوتشات اليابانية بتتحمل لحد 55 PSI والأندونيسي لحد 45 PSI وده معناه إن الكاوتش الواحد بيتحمل ضغط أقل من 4 كيلوجرام ولما عملت قياس لضغط الهوا في الكاوتش بعد سفرية طويلة وفي جو مش حر أوي يعني لقيت إن الهوا أتمدد بنسبة 1 PSI وده معناه إنك لو زودت الكاوتش علي 28 هيبقي 29 علي الطريق في الحر ..


طب إيه بقي المغزي من كل ده ؟!

أولاّ :- لازم كل شهر نقيس ضغط الهوا في الكاوتشات كام.

ثانياّ :- لازم يبقي معاك مقياس ضغط الكاوتش زي اللي في الصورة كدة صدقني هتحتاجه جداّ جداّ في أي ظرف.

ثالثاّ :- حسب ما قرأت علي موقع ميشلان بيقول إن الكاوتشات لما بتسخن بتتمدد بنسبة من 2 لـ 3 PSI كحد أقصي بمعني إنك لو زودت علي 30 في الصيف هيبقي الكاوتش 32 مع العلم إن أقصي حد ليك في الكاوتش بيبقي من 50 لـ 55 PSI وعشان كدة لاحظوا معايا حاجة مهمة جداّ جداّ وهي إن في الصيف لو زودت الكاوتش علي 28 وأنت لسة في بداية المشي والكاوتش مش سخن الكاوتش بيتاكل من الجوانب والعمر الإفتراضي للكاوتش بيقل لأن الهوا جوه الكاوتش بينكمش والكاوتش بيبقي شغال فترة كبيرة علي 28 PSI أو ممكن كمان 27 PSI علي ما يبدأ يسخن.

رابعاّ :- الضغط المناسب في الصيف هو 34 وفي الشتا هو 35 وفي الأول وفي الأخر لو فيه كتالوج لعربيتك هيبقي هو الفيصل في كل ده.

اسئلة متعلقة

...