0 تصويتات
في تصنيف هيكل السيارة داخليا وخارجيا بواسطة (10.4k نقاط)

1 إجابة

0 تصويتات
بواسطة (10.4k نقاط)

مفيش شك في إن كتير مننا بتقابله مشاكل مع دهان عربيته مثلاّ ممكن تكتشف بعد الرش بيوم أو إتنين وجود بقايا دهان على الزجاج أو الكاوتشات أو الفوانيس أو ممكن تتخبط العربية لا قدر الله أو تتعرض لخدوش (( تتخربش )) وغيرها من المشاكل الواردة إنها تقابلنا زي البارومة مثلاّ أو الشقوق وطبعاّ كل المشاكل دي وغيرها ليها اّثر سلبي على مظهر العربية

الموضوع ده بقى الغرض منه هو إنك تعرف إزاي تحل المشاكل دي كلها بأقل تكلفة ممكنة ومش بس كدة ده كمان إنك تعرف إزاي تحمي عربيتك من المشاكل دي من باب (( الوقاية خير من العلاج ))

هنتكلم دلوقتي بس عن (( المشكلة الاولى )) ودي أكتر مشكلة بتقابل الناس وهي إن العربية تتخبط (( لا قدر الله )) ودي حلها بيعتمد على درجة الخبطة بمعنى الخبطة خفيفة أو جامدة يعني لو الخبطة خفيفة (( يعنى مالهاش اّثر على الدهان )) لكن الصاج داخل لجوه في الحاله دي بتكون العملية سهلة وهي إنك بتروح عندسمكري أنت بتثق فيه و تخليه يرجع الصاج لوضعه الطبيعي من غير ما يقرب للدهان .. العملية دي إسمها (( دق على البارد )) يعنى بيدق الصاج من غير إستعمال الإسطوانة (( لهب الإكسيستيلين )) ودي بتساعد على رد الصاج لوضعه الأصلى قبل الخبطة وفي نفس الوقت بتحافظ على الدهان زي ما هو والعملية دي تكلفتها حسب مساحة الخبطة يعني لو الخبطة واخدة الباب مثلاّ بتتكلف أكتر من إنها تكون واخدة جزء من الرفرف بس هي بتتكلف من أول 40 جنيه لـ 100 جنيه (( شاملة كل الإحتمالات )).

أما بقي الإحتمال الأسوء وهو لما تكون خبطة شديدة (( واكلة باب مثلاّ أو كبوت لا قدر الله )) ساعتها إنت بتاخد العربية عند السمكري وهو بيرجع الصاج لوضعه الطبيعى (( وممكن العملية تلزم قطع غيار يعني باب جديد أو كبوت جديد )) المهم بعد ما السمكري ينتهي من شغله بتاخد العربية عند فني الدهان وفني الدهان في الحالة دي بيصنفر مكان اللحامات إن وجدت بالصاروخ و بيزيل (( البرايمر )) و ده دهان لونه أحمر فاتح بيستخدمه السمكري عشان يوضح لفني الدهان المناطق اللي إشتغل فيها (( سمكرها )) وبعد كدة بيزيل الدهان القديم بالمزيل (( paint remover )) أوممكن عن طريق النار (( يحرق الدهان القديم )) أو ممكن عن طريق سكينة المعجون (( يقشره )) وبعد مايقشره يصنفره بورق صنفرة رقم 60 و ينعمه بصنفرة رقم 120.

وبعد إزالة الدهان بيمعجن بمعجون ستوك (( stock )) ودي مادة غليظه لونها وردي طب ياترى بيمعجن ليه ؟! عشان يخلى الصاج الجديد فى مستوى واحد مع الصاج القديم (( يعني يخلي الصاج الجديد اللي ركبه السمكري على مستوى واحد مع صاج العربية الاصلي )) وبعد مايجف المعجون بيصنفر بورق صنفرة رقم 60 ويتنعم (( يتسحق )) بورق صنفرة رقم 120 وبعد كدة ممكن يرش على المعجون مباشرة أو يرش فيلر الأول ودي مادة لونها أبيض أو رمادي بتستخدم فى سد أي ثقوب موجودة فى المعجون بعد الصنفرة وبعد ما يرش الفيلر ينعمه بصنفرة 320 وبعد كدة يرش و العملية دي مكلفة وممكن تتكلف من 200 لـ 600 جنيه (( شاملة كل الإحتمالات ))

اسئلة متعلقة

0 تصويتات
1 إجابة
0 تصويتات
1 إجابة
...