إيه إللى يخلى العربيه مـ تدورش أو تتأخر في الدواره ؟!

Question

إن تكون البطارية نايمة ودي حلها نديها توصيلة من بطارية تانية أو زقة ونعشق علي الغيار التاني لو العربية مانيوال وضروري لازم نعرف هل البطارية بتسرب شحن ولا فيها إيه بظبط.

يكون الدينمو قاطع شحن بمعني إن تكون البطارية مفيش فيها أي مشكلة لكن الدينمو مش عارف يقومها وفي الحالة دي يبقى لازم يتم إصلاح الدينمو والتأكد من السير بتاعه إنه مشدود كويس علي البكرة بتاعته.

ممكن تكون طلمبة البنزين قاطعة وعشان كدة لازم نتأكد لما نفك الخرطوم الواصل لمسطرة الرشاشات وندى سنة دوارة ونشوف هيطلع بنزين ولا لأ.

برضو إحتمال كبير أوي أوي يكون حساس الكرنك قاطع وده نعرفه عن طريق إننا بنفك سلك البوجيهات ونبعده سنة صغيرة عن البوجيه ونسمع صوته بيتكتك يعنى هل واصله كهرباء وبيطلع كهربا للبوجيه أو لأ ! بس ملحوظه خلى إيدك بعيد شويه وأنت ماسك سلك البوجيه عشان كهربته بتبقي عالية جداّ