وظيفه حساس الكامه وطريقه عمله حساس الكامه دا عامل زي المخبر او المراقب بيبقا مربوط علي اعلي نقطه ف المحرك وبالاخص علي الكامه لكن ف النوبيرا الاوروبي والاوبترا مربوط بين ترس كامه السحب وكامه الطرد بيراقب حركه عمود الكامه ووظيفته الاساسيه تنظيم فتح وغلق الصمامات او بالبلدي صبابات او (Valves)طب هوا بيعمل كدا لوحدو؟! لا.. بيدخل ف الموضوع اللي هوا حساس الكرنك او (حساس عمود المرفق )لأن معانا اخواتنا ف الجروب من دول تانيه غير مصر ف لازم يستفادو crank Shaftبهدف تحديد مكان البستم او تحديد النقطه الميته العليا Zero لبستم رقم 4 او 1 لشوط الضغط ف الموتور
يعني الاتنين مرتبطين ببعض واحد بيراقب الكامات وفتح الصبابات والتاني بيراقب حركه البستم
ليه بقا ؟!عشان ينظم الاشتعال وينظم فتح وغلق الرشاشات او الانجيكتورات او البخاخات او Injectors وكذلك توجيه الشراره بتاعت الموبينه عشان الموتور يشتغل بسلاسه ويبقا فيه انتظام او تنظيم وقت الحقن نيجي ل اعطاله بقا..
1- صعوبه ف الدوران.. بمعني ان العربيه تقعد فتره معاك لما تدور او بالمعني البلدي بتغيب ف الدواره
2- عندنا ف العربيه حاجه اسمها كاتينه لو مش مظبوطه فيه ترس بيبقا فيه حدافه والحدافه دي اللي الحساس بياخد منها الاشاره يعني لو التقسيمه مش مظبوطه الحساس هياخد اشاره غلط ف هتنور معايا لمبه الاعطال وهيقولك حساس كامه وهتغيرو ومش هيظبط من غير متظبط تقسيمتك
3- خنقه ف السحب وتأخير ف نقلات الفتيس.. بمعني العربيه عشان تنقل هتلاقي الRpm راافع معاك ومش هتنقل غير لما تقرص عليها واوقات تلاقي الهولد نورت وطفت
4-استهلاك بنزين زياده عشان الحساس لما بيخترف بيبعت اشارات غلط للكنترول ف الكنترول مبيكدبش نفسه ف هيبعت للرشاشات تفتح بنزين زياده عن اللزوم
5- الفيشه بتاعتو لو السلك ملمس يجي الكنترول يفقد الاتصال بالحساس نهائي والعكس
ملحوظه هنا وعشان مطولش ف الكلام.. لما تنور عندك التشيك ويطلع P0342 اللي هوا حساس الكامه متروحش تغير حساس تلقائي من غير م تكشف علي التقسيمه وعلي الضفيره والاخص الفيشه الخاصه بالحساس