المكنة الـ TSI بتبقي مكنة 4 سيلندر و الـ TSI دي تعتبر رمز للجيل الجديد من محركات فولكس فاجن الإقتصادية واللي بدروها بتوفر فى إستهلاك البنزين بشكل كبير وبتديك أداء رياضى كويس جدا
المكنة الـ TSI بتنزل بقوة 1400 سي سي وبتدي HP من 122 حصان لـ 160 حصان وبتبقي إمكانياتها نفس إمكانيات المكن من الـ 1800 سي سي للمكن الـ 2300 سي سي ولكن طبعا مع إستهلاك نسبة بنزين أقل بحوالي 20%
نقدر نقول إن مكنة زي الـ TSI بقوة 140 حصان تستهلك بنزين زي مكنة مش بتعدي 80 حصان يبقي ده شئ أسطوري !! والسبب في كدة إن الـ TSI هي أول مكنة بتشتغل بالبنزين وفيها تربو تشارجر وسوبر تشارجر مع بعض بحيث إن السوبر تشارجر بيقلل من العزم في السرعات القليلة والتربو عكسه بيوفر العزم للسرعات العالية يعني من الأخر مكنة إقتصادية جدا جدا ده بالإضافة كمان إن المكنة بتشتغل بأقصي عزم ليها من 1500 لـ 5000 rpm
دي نبذات كدة أو مقتطفات عن المكنة الـ TSI :
-بتولد 80% من العزم عند 1250 rpm
-بتولد 66% عزم إضافى عند 1500 rpm
-بتوفر 20% فى إستهلاك البنزين
طبعا المكنة الـ TSI بتبقي مزودة بفتيس DSG بيجمع بين النقل اليدوى و الأوتوماتيك وده طبعا بالإضافة للتسارع القوى جدا من غير أي تقطيع بين النقلات وبتنزل بـ 7 نقلات و بـ 6 نقلات