1-الحفاظ على زيت المحرك وفلتر الزيت
لو بتحط زيت 5 الاف يبقى الأفضل تغيرة عند 4500 و 4 الاف كمان
لو بتحط 10 الاف يبقى الافضل كل 9 الاف تغيرة
لو مسافرة سفرية جامدة بالعربية فوق ال 450 كيلو رايح و 450 كيلو جى
و لسة فاضل على الزيت اللى معاك الف كيلو او الف نص ... سقطة وحط زيت جديد
وسافر بالعربية وترجع بالسلامة
2- فلتر البنزين
وظيفته ينقى البنزين من الشوايب اللى فيه عشان البنزين يكون نضيف على قد ما يقدر وهو داخل على الموتور طبعا لو انت مش بتغيرة ومش مهتم بالفلتر ده
البنزين بيخش بقرفة على الموتور والسحب هيقل ويضعف والعربية هتشرب بنزين
كتير دة غير ان البنزين اللي في مصر مش بنزين اصلا يبقي الاحسن ان الفلتر دة يتغير
3- فلتر الزيت نفس الكلام ونفس الوظيفة بتاعت فلتر البنزين بس دة بينقى الزيت مش البنزين مفهاش حاجة لما تغيرة برضة كل تغييرة زيت
4 -الاهتمام بالهواء الداخلالى المحرك والهواء الخارج من المحرك
• فلتر الهوا .. غيرة كل 20 الف
• بوابة الهوا او الثروتل
فكها كل 10 الاف كيلو ونضفها كويس وركبها تانى