0 تصويتات
في تصنيف المحركات بواسطة (10.4k نقاط)
معلومات عن الفلتر الرياضى  بشكل عام

1 إجابة

0 تصويتات
بواسطة (10.4k نقاط)

مبدئياّ و بكل بساطة كدة ده مجرد فلتر بيتحط مكان الفلتر العادي اللي هو الفلتر الأصلي بتاع العربية".

طب إيه بقي الفرق بينه وبين الفلتر العادي اللي بيبقي في العربية أو اللي العربية بتبقي نازله بيه ؟! :-


أصلاّ الفلتر عموماّ عشان نبقي عارفي فايدته بتبقي تنقية الهواء الداخل لمكنة العربية ومن هنا بقي بدأ أنتاج الفلتر الرياضي طب ليه بقي أو إيه الفكرة من كدة ؟!

لأن الفلتر العادي اللي بيبقي في العربية ده بيصعب نوعاّ ما عملية دخول الهواء للمكنة وطبعاّ ده بيأثر علي المكنة وبيخنقها وطبعاّ بيقلل من قدرتها و عزمها وسحبها رغم إنه أصلاّ بيعتمد علي تنقية الهوا اللي بيدخل للمكنة طب يبقي إزاي بيضره يعني !!

ما هو بقي الفكلاة كلها في إنه بيقلل من قدرته علي حساب المحافظة عليه عشان كدة بدأت شركات التعديل في فكرة أنتاج فلتر ينقي الهوا اللي بيدخل للمكنة وفي نفس الوقت يدخلها كمية الهوا اللي تحتاجه وميمنعش عنها حاجة بمعني أصح قدروا إنهم يحققوا المعادلة الصعبة

طب إيه بقي أشكاله الموجودة في السوق ؟! :-

1 : فيه فلاتر بتبقي على شكل مربعات وبتبقي هي هي نفس الفلاتر العادية بتاعة عربيتك لكن رياضية يعني مجرد تشيل الفلتر العادي وتركبه مكانها بكل سهولة ومش هياخد وقت في تركيبه خالص.

2 : فيه فلاتر أسطوانية " علي شكل أسطوانة يعني " والنوع ده بيدي قوة أكبر بكتير ".


مميزات الفلتر الرياضي إنه بيجمع أكبر نسبة من الهوا البارد وبيدخله في المكنة علي طول وطبعاّ ده بيزود من نسبة الهواء في غرفة الأحتراق الداخلي فيرفع من أداء المكنة وقوتها وعزمها من 3 - 10 حصان علي الأقل وبيدي للمكنة صوت جامد أوي

أضرار الفلتر الرياضي بقي تعتبر معدومة بمعني إن ملوش أضرار علي العربية نهائي إلا لو أنت نفسك معملتلوش عملية تنضيف كل فترة لأن طبعاّ بدون تنظيف هيدخل الهوا الملوث أو الملئ بالشوائب للمكنة وهيعيق عملية الأحتراق أو هيدخل في غرفة الأحتراق هوا مش متنقي

طب إزاي بق تنضف الفلتر الرياضي بشكل سليم ؟!

حضرتك بتشتري حاجتين بس :-

1/ علبة بخاخ سائل مخصص للتنظيف
2/ زيت فلتر وبيبقي فيه منه شكلين الأول شبه الحقنة و التاني بخاخ عادي جداّ


الخطوات بقي اللي هتعملها سهلة جداّ :-


1/ هتجيب سائل التنظيف وترشه علي الفلتر بعناية وعلي كل جزء فيه و السائل ده عشان يخفف من الأتربة اللي موجودة علي الفلتر من فترة كبيرة وتسيبه 10 دقايق مش أكتر من كدة بس ملحووووووظة مهمة جداّ أوعي تخلي السائل ينشف علي الفلتر

2/ هتغسل الفلتر بس بالميا الفاااااتره يعني لاهي باردة ولا سخنة كويس جداّ وتتأكد من إزالة أثر المنظف بشكل نهائي وتسيب الفلتر ينشف خالص بشكل طبيعي في الهواء

3/ أخر خطوة بقي هتزيت الفلتر بشكل شفرة شفرة يعني تمسك علبة الزيت و تمر علي شفرة شفرة تزيتها كويس أوي وتسيب الفلتر بعد ما تخلص تمام لمدة نص ساعة بالكتير وهتلاقي أصلاّ الفلتر بدأ ياخد اللون الأحمر الأصلي بتاعه وتحس إنه رجع جديد

طيب إيه هي أنواع الفلاتر الموجودة عموماّ ؟!

1:- K&N 
2:- AEM
3:- Simota
4:- Engine

أناا شخصياّ بعتبر أن الـ K&N من أحسن أنواع الفلاتر وخصوصاّ بالنسبة للجو الرائع اللي في مصر هيستحمل يعني


بالنسبة لأسعار الفلتر الرياضي مبدئياّ كدة الأسعار دي قابلة للتغيير حسب كل تاجر يعني وحسب الأحجام لكن دي الأسعار العامة للسوق يعني عشان محدش يقولي أنت بتقول سعر وبلاقي سعر تاني وشعان برضو الناس اللي بتسال عن سعر كل حاجة تبقي علي الأقل عارفة المتوسط :-


الأسعار بتبقي بادئة من 50 ج وحتي 1000 ج وكل حاجة حسب نوعه يعني مثلاّ فلتر زي السيموتا بيبقي عامل من 250 ج لـ 500 ج والفلاتر الصيني بتبقي من أم 50 ج و 80 ج والفلاتر الـ K&N بتبقي بادئة من 500 ج وفيه الفلاتر الأيبكس بتبقي بادئة من 350 ج وعموماّ والله أنا مكنتش حابب أقول الأسعار أصلاّ بس عشان حتي اللي بيفكر يشتري أهو يبقي أخد فكرة عامة عن الأسعار

في الأخر بقي أهم حاجة أحب أقولهالكوا عشان حضرتك تركب أى نوع من أنواع الفلاتر الرياضية فى المكنة الأنجكشن لازم تشيل علبة الفلتر القديمة وده بيبقي حسب إرادتك طبعاّ وعلبة الصوت برضو وبتبقي موجودة تحت علبة الفلتر القديمة وفايدتها كتم صوت الهوا اللي بيدخل للمكنة.


طبعاّ الصور اللي تحت دي لشكل الفتر الرياضي ولعربيات كتير من مصر مركبة الفلتر عشان حتي الناس اللي مشافتش شكله في عربية قبل كدة

اسئلة متعلقة

0 تصويتات
1 إجابة
سُئل فبراير 27، 2016 في تصنيف الصيانة و الإصلاح بواسطة WilfredoFiel (10.4k نقاط)
+1 تصويت
1 إجابة
سُئل ديسمبر 15، 2020 في تصنيف المحركات بواسطة AngelitaBlan (13.2k نقاط)
+1 تصويت
2 إجابة
+1 تصويت
1 إجابة
...