الـ DRL : هي عبارة عن إختصار لكلمة (Daytime Running Light) وهو عبارة عن ضوء صغير فيه منه إضائه عادية (صفرا أو بيضا) وفيه منه الـ LED وده بيكون في وش العربية وبيكون منور في أوقات النهار لزيادة وضوح رؤية العربية في النهار والـ LED بينزل نوعين يا إما عادي أو LCI اللي إحنا بنقول عليه سخانات. وأمثلة لبعض العربيات اللي بينزل فيها DRL في مصر :- بالنسبة للكوري : السيراتو والـ بيكانتو والـ ألنترا والـ ريو والـ IX35 وغيرهم كتير وطبعاّ الأوبشن ده بينزل بس في أعلى الفئات للفانوس الخلفي والامامي عشان محدش يحلم يعني بأنه بينزل في جميع الفئات. بالنسبة للألماني : ممكن نقول كله بدون إستثناء لكن في بعض العربيات بينزل DRL في كل الفئات زي الأودي والمرسيدس والعربيات التانية حسب الفئة زي بي إم دبليو وإسكودا و VW وميني. بالنسبة للصيني : لا متقلقش بينزلوا الكلام ده كله لأنهم مش بيلاقوا حاجه تتعمل فا بيعملوا الكلام ده علي سبيل زيادة الأوبشنز الهايفه والزبون يدفع أكتر. بالنسبة للياباني : العربيات الياباني اللي بتيجي مصر بتكون متأخرة شوية في الأوبشن ده واللي بدأت تنزل الكلام ده الـ كورولا 2014.