0 تصويتات
في تصنيف مشاكل اجزاء التعليق بواسطة (12.3k نقاط)
سؤال هيفيدنى و هيفيد ناس كتيره جدا جدا بس عايز واحد خبير و فاهم اوى فى العربيات ..................
دلوقتى انا عايز اعرف ايه اللى بيفرق فى الثبات مابين عربيه و التانيه يعنى مثلا ايه اللى بيخلى عربيه المانى يبقا ثباتها احسن من الكورى مثلا ؟؟! انا عارف طبعا ان ضغط الكاوتش و اتجاه الهوا و ظروف الطريق و الانسيابيه و الكلام دا كله بيفرق
بس لو وفرنا نفس الظروف لعربيتين واحد المانى و التانيه كورى ايه اللى هيخلى الالمانى تتفوق ؟!
حتى لو العفشه هى اللى هتفرق برضه ايه فيها اللى هيفرق يعنى من حيث نشوفية العافشه مثلا اللى هيفرق ؟!
حد يفهمنا يا جماعه

2 إجابة

+1 تصويت
بواسطة (12.3k نقاط)

طبعا بيفرق الثبات من عربيه لعربيه
منها الاجهزه الالكترونيه بتاعت التحكم في الانزلاق ثانيا طريقه الكاوتشات الخلفيه بتاعه العربيات الالماني بتخلي العجل بيفرش على سرعات عاليه ثالثا
المسافه بين العجل الامامي والخلفي بيديها ثبات عالي على الطريق رابعا انسيابيه الجسم بتاع العربيه
خامسا نوع او شكل الجنط والكاوتش المستخدم

سادسا نوع المساعدين أو نظام التعليق بشكل عام وتصميمه ومرونته

كل ما العربية تعلي عن الارض الثبات يقل
وكمان وزن السيارة كل ما يزيد الثبات في الأغلب بيكون أفضل

توزيع الوزن
نوع الدفع ( جر امامي ولا دفع خلفي ولا جر رباعي )
ابعاد قاعدة العجلات و نسبها
وضعية الموتور ( V - W - Line - Boxer )
ارتفاع السياره عن الارض و مركز الجاذبيه
درجة نشوفية المساعدين

هندسة توزيع وزن العربية أو الـ Weight Distribution
و هنـا نسبة توزيع 50% ورا و 50% قدام
و النسبة دى صعب توصلها جداً فى اى عربية و مش سهلة

حابب اضيفلك سبب مهم برضه بالذات في العربيات الاسبورت
وهو الجناح الخلفي او الاسبويلر
وده بيعتمد على نظرية فرق سرعة الهوا فوق وتحت
بمعنى كل مالعربية تسرع سرعة الهواء العكسية بتكون كبيرة وبالتالي بتعمل قوة دفع على الجناح يدي ثبات للعربية اكتر
طبعا ده عامل من عوامل كتير

اخر حاجة خالص هى نظام التعليق ... لكن الاساس هو مكان مركز ثقل العربية
ال bmw هى تقريبا  من العربياتالقليلة فى العالم اللي مركز الثقل فى نص العربية بالظبط عشان كدة تفضل ت drift بيها تجيبها يمين و شمال وانت متحكم فيها تماما و بدون ما تفلت منك
المقصود ان وزن نصف العربية الخلفى مساوى او يكاد يكون مساوى مع وزن العربية من الامام.
دة المختصر المفيد

stabilizer bar

0 تصويتات
بواسطة (1.2k نقاط)
الاجابة السابقة اكنر من ممتازة و كافية بس اسمحلي اضيف عليها اضافة بسيطة .... عربيتك بغض النظر عن نوعها و بلد الصنع ... هي قطعا قابلة للتعديل و التشكيل بنسب متفاوتة ... انت اللي بترسمها بمزاجك ... نوع المساعدين و شكل العفشة بيحدد بدرجة كبيرة ثبات السيارة طبعا بعد حسابات توزيع الوزن و الايرودايناميك .... مثلا شكل العجل الخلفي من منظور افقي في السيارات المتهالكة بيكون قريب من تحت و بعيد من فوق ذي ااشكل ده / \ و ده بيزود فرصة انقلاب السيارة في الملفات الوعرة السريعة ... و الاصل ان العجل يكون بمسافة متساوية من فوق و تحت ذي الشكل ده  ! ! .... بدأ يظهر حاليا تعديل على العفشة بيخلي العجل الخلفي يقرب من فوق و يبعد من الاسفل ذي الشكل ده \ / و ده اللي بيقولوا عليه ان العفشة بتفرش في العربيات الالماني لما العربية بتجري ... طبعا التكنولوجيا دي موجودة في العربيات الالماني من زمان عشان كده العربيات الالماني اكثر ثباتا ... بس دلوقتي التعديل ممكن تنفيذه في الانواع الاخرى بس بشكل محدود طبعا ..  يعني العفشة تفضل فارشة على الارض على طول مش وقت الحاجة فقط زي الاصل في العربيات الالماني ... اسف للاطالة.

اسئلة متعلقة

0 تصويتات
1 إجابة
...