0 تصويتات
في تصنيف تعـــديل الســـيارات و الإضافات بواسطة (10.4k نقاط)

1 إجابة

0 تصويتات
بواسطة (10.4k نقاط)

معلومة صغيرة العربية بيبقي فيها 4 عجلات و 4 مساعدين و لما العربية بتمشي علي طريق مكسر ومليان مطبات وحفر بتبقي مهمة المساعدين أنهم يمصتوا الصدمة دي وطبعاّ المساعدين مش بيبقي فيهم القوة الكافية للدرجة اللي تخليهم يمتصوا الصدمة دي بشكل كامل فلما بتحصل الصدمة بيتم أمتصاص جزء منها من المساعدين و باقي أثر الصدمة عن طريق شاسيه العربية وطبعاّ ده اللي بيخلي الشاسيه بيفتح في شرخ مع الوقت وطبعاّ ده بيبهدل الشاسيه.

البارات أو الشدادات اللي بتربط الكارتيرتين ببعض وبتخليهم في ثبات وإحكام أكبر بحيث أنهم يخلوا المساعدين تأدي وظيفتها بشكل كويس جداّ ومن غير ما الشاسيه يبقي مضرور في أي حاجة وبتكون الفكرة من الشدادات دي إن لو قدر الله حصل شرخ في الشاسيه وخصوصاّ الكارتيرات بتبقي مشكلة كبيرة أوي و كمان ناس كتير مننا بتعاني من موضوع فتح الحوض والشاسيه وتلاقي أصوات تزييق من الكارتيرات بسبب شرخ أو تزييق بسبب حركة المساعدين.

الحكايات دي بتخليك دايماّ واقف بالعربية قدام السمكري عشان تقفل مقاسات حوض الموتور وتلحم أي شرخ موجود وطبعاّ ده بيعيب العربية لما بتيجي تفكر تبيع !

وعلي حد علمي إن معظم العربيات الحديثة زي الـ بي إم دبليو والمرسيدس هتلاقي فيها الشدادات دي نازلة مع الفابريكة من غير أي تعديل منك ! وده عشان يدي ثبات أعلي وتحكم مستقر للعربيات دي لأنها أصلاّ بتتسم بالطابع الرياضي وطبعاّ مع السرعات العالية جداّ اللي بتوصلها لازم تكون ثابتة وخصوصاّ في الملفات.

طبعاّ الشدادات فيه منها أنواع كتير وفيه منها الأمامي والخلفي والسفلي اللي بيبقي تحت العربية وده اللي بنشوفه في معظم العربيات بتوع اليومين دول 
وأنت ممكن تعمل الشدادات دي بنفسك عمولة أو عند أي خراط أو حداد لو أنت مش عايز تشتري الجاهز منها.

اسئلة متعلقة

...