0 تصويتات
في تصنيف المحركات بواسطة (10.4k نقاط)

1 إجابة

0 تصويتات
بواسطة (10.4k نقاط)

يعني إيه مصطلح العربية متلته ؟!

قبل ما نعرف يعني إيه العربية بتبقي متلته لازم تعرف إن العربية ممكن تمشي على 3 بوجيهات مش لازم 4 وفي الحالة دي بيتقال إن العربية متلته يعني ماشية بـ 3 بوجيهات وطبعاّ الموضوع ده لما بيزيد بيبقي غلط علي المكنة لأن المكنة بتتخنق لأن الحريق مش بيبقي مظبوط وبيعتبر إن فيه سلندر من الـ 4 سلندر فاصل مش شغال وده بيبقي حمل زايد علي الـ 3 سلندر الباقيين !!

ونتيجة لكدة هتلاقي حوالي 15% من قوة العربية راحت في الهوا ولو عايز تعرف إذا كانت عربية متلته ولا لأ هتلاقي العربية وهي علي السلانسيه بتترعش وهتحس فعلاّ إن فيه بوجيه فاصل وهتيجي تزود بينزين هتلاقي المكنة بتكركر ومش بتستجيب لدوسة البنزين بتاعتك.

طب أمتي العربية تبقي متلته ؟! العربية أول ما بيظهر فيها العيب ده لازم تعرف علي طول إن الشنبر بايظ وهتحتاج إنك تعمل نص عمرة أما لو مش في إمكانك إنك تركب طقم شنبر جديد فا ممكن تروح لأي ميكانيكي يركبلك على البوجيه حاجة كدة شبه الكرسى والكرسى ده بيتركب مكان البوجيه والبوجيه بيتربط فيه وده بيبعد البوجيه شوية عن الزيت اللى بيطلع من الغرفة وبيخلى العربية تمشى كويس لفترة بسيطة لحد ما تعمل طقم شنبر.

اسئلة متعلقة

...