- لو لقيت لون العادم أسود هيكون ده سببه إن فيه زيادة فى أستهلاك البنزين وإن الكربيراتير مش مظبوط أو ممكن يكون فيه تسريب فى حالة العربيات اللي بتشتغل بنظام الإنجكشن أو كمان ممكن يكون فلتر الهوا مسدود أو حساس البنزين يكون بايظ.
- لو لقيت لون العادم أبيض معنى كده إن فيه تسريب من مياه الريدياتير لغرفة الإحتراق وبيكون سبب التسريب ده تلف جوان وش السلندر أو إن فيه إعوجاج فى راس الأسطوانة نفسها وأنت ممكن تلاحظ الحكاية دي فى بداية تشغيل العربية و تسيبها مثلاّ ساعتين تلاتة كدة.
- لو لقيت لون العادم أزرق أو أبيض بس مايل للون الأزرق ده معناه إن فيه كمية كبيرة من الزيت بتدخل غرفة الأحتراق وبيكون سبب الحكاية دي تلف واحدة من الجوانات.
- الحالة الأخيرة بقي لما تسمع صوت العادم من الشكمان وفى الحالات الطبيعية بيكون الصوت مستقر و هادي و بيستمر بنفس الدرجة إنما بقي الصوت المتقطع للعادم ده بيدل على تلف البوجيهات وإنها لازم تتغير في أقرب وقت وطبعاّ الصوت العالى للعادم ده بيدل على وجود عطل فى نظام العادم نفسه وطبعاّ في الحالة دي لازم تروح لأقرب ميكانيكي.