0 تصويتات
في تصنيف الصيانة و الإصلاح بواسطة (10.4k نقاط)

1 إجابة

0 تصويتات
بواسطة (10.4k نقاط)

المشكلة أو العطل :- المكنة وقفت عن العمل بشكل مفاجئ ومش بتدور ؟!

السبب وطريقة الإصلاح :- كمبيوتر العربية مش ثابت بشكل كويس أو ضعف توصيل السالب للكمبيوتر.


المشكلة أو العطل :- إستهلاك كمية كبيرة من البنزين ؟!

السبب وطريقة الإصلاح :- غالباّ في المشاكل دي بيكون السبب من نظام حقن البنزين أو طرمبة البنزين الرئيسية , والسبب المحتمل برضو إن يبقي فيه خلل في رشاشات البنزين.


المشكلة أو العطل :- المكنة وقفت عن العمل بشكل مفاجئ وأنت ماشي بالعربية ؟!

السبب وطريقة الإصلاح :- فيه أكتر من سبب ممكن يخلي المكنة تقف وهي ماشيه زي مثلاّ إن البنزين يتقطع والسبب بيرجع إن مش بيكون فيه بنزين من الأساس في التنك أو فيه خلل مفاجئ في نظام تزويد البنزين زي إن خرطوم توصيل البنزين يتقطع مثلاّ أو فلتر البنزين يتسد

وممكن برضو يكون نظام الإشعال وقف والسبب بيرجع لشوية إحتمالات ممكن يكون شاكوش الإسبرايتر باظ أو غطا الإسبرايتر النحاسه بتاعته أتاكلت.


المشكلة أو العطل :- وجود صعوبة في حركة الغيارات في الفتيس وخاصة لما بتيجي تغير الحركة للسرعة التانيه ؟!

السبب وطريقة الإصلاح :- ممكن تكون المشكله في نقص زيت الجير أو إنه متوسخ عشان كده لو حسيت بصعوبة في نقل الغيارات راجع الأول علي الزيت وبعدين راجع علي الفتيس نفسه بقي سواءّ بنفسك في المكن القديم أو بالكمبيوتر في المكن الجديد.
 

المشكلة أو العطل :- المكنة بتبطل مني لما برفع رجلي عن دواسة البنزين لكن وأنا دايس بنزين بتبقي كويسة جداّ ؟!

السبب :- ممكن يكون السبب من نظام الحقن وممكن برضو تكون المشكلة في الكهربا بتاعة العربية زي البوجيهات مثلاّ أو الإسبراتير

اسئلة متعلقة

...