+1 تصويت
في تصنيف نقاشات عامة عن السيارات بواسطة (10.4k نقاط)

1 إجابة

0 تصويتات
بواسطة (10.4k نقاط)

- يراعي إنك متكسرش الطارة علي الأخر سواءّ يمين أو شمال أكتر من 10 ثواني سواء بقي كانت العربية ماشية أو واقفة.

- يراعي إنك متلفش الطارة والعربية واقفة يمين أو شمال بدون داعي أو وأنت ضاغط علي الفرامل.

- يراعي إنك متدورش العربية والطارة مكسورة يمين أو شمال.

ـ كل فترة تراجع علي مستوي زيت الـ Power.

- يراعي إنك كل فترة تراجع علي سير الـ Power لأنه ممكن يبقي مهوي أو متوسخ جامد وعلي فكرة تنضيفه بيفرق جداّ مع العربية.

- يراعي إنك تراجع كل فترة علي ضغط الهوا في الكاوتشات لأن ده برضو بيفرق في عملية التحكم جداّ.


بس حاجة مهمة تاخدوا بالكوا منها وهي إن مستوي زيت الـ Power لازم يكون ما بين العلامتين (MIN) و (MAX) واللي بتلاقوها علي المؤشر ويراعي إنك متزودش الزيت للمستوي (MAX) ومينقصش للمستوي (MIN) لأن سواءّ في الحالة دي أو دي طرمبة الـ Power بتبوظ.


وفيه مشكلة ناس كتير ممكن تقابلها في موضوع الـ Power ده وهي إنك ممكن لما تيجي تغير زيت الـ Power وخلاص وتقفل وتدور العربية وتلف الطارة ممكن أوي تسمع صوت زي تزييق بس جامد شوية ممكن يوصل لدرجة التخبيط الخفيف أوي وده سببه إنك بعد ما غيرت زيت مكن الـ Power أخدت هوا وناس كتير أوي بتحتار إزاي تخرج الهوا ده .. هقولكوا بقي إيه الحل ؟!


حضرتك ترفع العربية بحيث إن العجلتين يبقوا في الهوا ودور العربية وهات أتنين أصحابك واحد يمسك الكاوتش اليمين والتاني يمسك الكاوتش الشمال ويحركوا الكاوتشات مع بعضهم يمين وشمال بسرعة شوية وكل الهوا اللي في مكنة الـ Power هيخرح والصوت هيختفي نهائياّ والطريقة دي عشان مش كل طرمبات الـ Power بتقدر إنها تطرد الهوا عن طريق الطارة.

اسئلة متعلقة

...