0 تصويتات
في تصنيف مقارنــــات السيارات بواسطة (12.3k نقاط)

1 إجابة

0 تصويتات
بواسطة (12.3k نقاط)

كيا ريو / فيات بونتو  مقارنه شرسه زي موعدناكم
سعة المحرك لكلا منهم : 1.4 cc
المقارنه هتكون بين اعلى فئتين 
عدد الاحصنه : 109 للكيا ..... 76 للفيات 
نوع الجر : امامي لكلا منهم
المواصفات بقي : الكيا :  
1- نظام الفرامل : ABS / EBD 0 مانع الانزلاق و توزيع قوة الفرامل اليكترونيا على الاربع عجلات 
2- Airbags 2 قدام 
3- عدد النقلات في الفتيس الاوتو 4 
4- عدد الصبابات 16 
5- بتنزل بجنط 15 و اعلى فئه بجنط 17 
6- نوع البنزين : 92 *ملحوظه ال 80 في العربيات ديه بيكفرها لان فيه كتير قوي بيحطوا 80 فيها معرفش ازاي 
7- مساحه على الشنطه
8- الفوانيس لاعلى فئه :امامي : بتنزل لعدسه و ليدات او سخانات 
الخلفي : لاعلى فئه بينزل سخانات 
9- مفيش مفتاح زكي زي السيراتو 
10- تحكم طاره صوت و بلوتوث (اعتقد في مصر مفيش مثبت سرعه فيها )
المميزات بقي : 
1- الشكل الشبابي 
2- حجمها صغير 
3- نوعا ما استهلاكها متوسط في البنزين 
4- صالونها الوانه حلوه في اعلى فئه 
.......................
العيوب  : 
1- اسعارها مرتفعه نوعا ما 
2- وزن العربيه خفيف 
3- ثباتها مش عالي من بعد ال 120 (غير كده يبقى بنضحك على نفسينا ) 
4- عفشتها ناشفه جدا جدا و الي جربها يحكم بكده 
5- الجنط بتاعها على قد جماله على قد ما مساعد في عملية النشفان في المشي ديه
6- الضفيره بتاعتها ضعيفه عرفت كده مع (تجربة زينون 75 وات بوظ الضفيره و التوكيل خلعه منها لما راحت و شهرين و غيرت الضفيره ) ضفيره تعبت من زينون 
7- وسائل الامان غير كافيه 
8- سهلة السرقه جدا عن طريق فك شفرتها و فصل جهاز الانذار بها في اقل من دقيقه 
9- مع انها كوري بس قطع غيارها تعتبر غاليه مش رخيصه
المتوافر لها من حيث التعديل  : 
1- عفشه رياضي /2- مكنه 1600 و 2400 / شدادات كيت كامل 
2- DVD اندرويد و عادي 
3- الفوانيس 
.............................................................................................
الفيات بونتو : المواصفات بقي  :
1- عدد الاحصنه :76 
2- عدد النقلات : 5 (لانها بتنزل مانيوال ) مشوفتش منها اوتوماتيك في مصر او محتمل يكون فيها اوتو 
3- نظام صوت : فيها كاسيت CD و AUX-USB 
4- 2 Airbags 
5- تحكم طاره : في نظام الصوت و بلوتوث و مثبت سرعه 
6- نظام الفرامل : ABS - EBD 
7- جنوط 16 ليها طابع رياضي جدا 
8- اعلى فئه بها سقف بانورامي عكس الفئات الاخرى فتحة سقف عاديه او من غير 
9- الفوانيس : الامامي بينزل فاضي 
الخلفي : لاعلى فئه بينزل سخانات 
10- بلد الصنع : ايطاليا 
...........................................................................................
المميزات  ↓
1- شكلها رياضي بحت لا يحتاج لاي شغل فيبر او غيره 
2- صالونها رائع جدا جدا
3- حاجتها معمره جدا و خاصة المكنه معمره 
4- سحبها قوي على الرغم من انها 76 حصان و ده لانها جابت 76 حصان على ال dyno الي بيتعمل و العربيه مقفله كامله و ده راجع لوزنها كمان و ديه حاجه كويسه جدا انه تقيل عن الكيا 
5- عامل وجود فتحة سقف بانوراما مدي ليها طبع جذاب جدا مع الالوان الفاتحه
العيوب  ↓ :
1- عدم توافر قطع غيارها بشكل قوي مقارنتا بالكوري عمتا 
2- عدم وجود موزعين لعربيات فيات كمعارض تساعد الناس على انها تمتلك العربيه ديه 
و ده عامل مهم جدا لان الناس بتفكر ازاي العربيه ديه منتشره تبقى حلوه و ده الي حصل في اخر 3 سنين مع الكوري 
3- كان المفروض ينزلوها بجنط 17 يرسم شكلها اكتر لان شكلها رياضي اوي من الخارج 
و لكن يمكن محصلش كده عشان شوارع مصر مش محتاجه جنوط اساسا
4- كان من المستحب انها تعلى كمان من 3 الى 5 سم عن الارض ورا عشان لما تركب حد ورا متسمعش صوت احتكاك
المتوافر لها من حيث التعديل  : 
- فوانيس امامي ليدات بعدسه و اسموك و فوانيس خلفي سخانات و DVD 
و مكن 2000 و اطقم الشدادات العفشه الرياضي بالطلب 
- كيت زوايد فيبر اصلي مش عموله
الفروق بينهم بقي ركز معايا الله يكرمك علشان حاسس ان ممكن حد ينتقدني :-): 
1- البونتو تتفوق على الكيا بالامكانيات مع فارق السعر لاعلى فئه لكلا منهما 
2- البونتو افضل في موضوع ان سقفها بانوراما مش فتحة سقف عاديه 
3- كيا رييو نازله على انها ذات طابع رياضي من الداخل و الخارج طب ازاي من الداخل و الطاره بتاعتها كبيره مش شكل ثلاثي زي البونتو الحته ديه مهمه جدا في التقييم 
4- الكيا الريو بتسمع حك في المشيه غير الخشونه من غير ما تركب حد اصلا البونتو غير  الإرتفاع
5- البونتو من بلد الفيراري تصنيع ايطالي يتفوق بكتير عن التصنيع الكوري 
6- الريو اغلى في سعر و مش موجود فيها تحكم في وضعية الكرسي او مثبت سرعه 
7- البونتو اعلى في الثبات من الريو على السرعات العاليه 
8- الريو تتفوق في بعض قطع الغيار من حيث الثمن و الانتشار
كل الكلام ده لم يكن من وحي الخيال كل الحاجات ديه من واقع و جربت العربيتين كتير و اقدر اقولك في الاخر الزيتونه  ان البونتو افضل بكثير وجهه نظر
*ملحوظه كان من المفروض ادخل عربيه كمان في المقارنه في نفس الفئه السعريه و هي بولو 2013 ب 155 بس ان شاء الله هيكون ليها تقرير قريب مبسط
يارب تقرير ده يكون مبسط وينال اعجابكم

اسئلة متعلقة

...