0 تصويتات
في تصنيف نقاشات عامة عن السيارات بواسطة (10.4k نقاط)

1 إجابة

0 تصويتات
بواسطة (460 نقاط)

السبب ببساطة اننا بنشترى الاصلى بس مش اصلى
يعنى اية ... ؟
يعنى انت بتروح تشترى طنابير ب 250 حتى 500 جنية كل دة بيبقى اى كلام و مش اصلى
دة بيبقى High Copy و كلها سنة و بيروح لحالهم
الصح فى الطنابير لما تقلش معاك و تجيب اخرها
اول حاجة تخرطها مرة واحدة بس لو كانت جديدة
و الخراطة هتكفيك 6 شهور و الخرط بيكون من 50 او 70 جنية مش هيزيد عن كدة

و تجيب تيل فرامل ب 70 او 80 جنية و يبقى كدة الموضوع اتقفل 6 شهور ب 170 او 180 جنية

طب و بعد ال 6 شهور ؟
اطلع على توكيل العربية تجيب طنبورتين اصلى
هتبدأ معاك من 850 و انت طالع
و التيل هيعمل 400 و انت طالع برضة
و هتشترى دماغك 3 سنين و كل حسب الاستعمال طبعا ... و بعد ال 3 سنين دول هتعمل نفس الكلام اللى قولنا فوق ... هتخرط تانى و تجيب تيل رخيص لمدة 6 شهور و بعدها تغيرهم

هقولك بقى كام نقطة كدة تحافظ بيهم على الطنابير

1 - مشكلة الطنابير الأساسية اللى معظم الناس
اكيد تعرفها ان مينفعش الطنابير يجى عليها ماية و هى سخنة لان الطنابير بتعمل حاجة اسمها
( تفقفق ) او بتفقق ..
يعنى متكونش جى من مشوار كبير و الطنابير سخنة تروح جاى داخل على المغسلة غاسل العربية و اللى بيغسلها يضربلك الخرطوم فى قلب الطنبورة
او متكونش ماشى كتير بالعربية و تيجى فى بقعة ماية متجمعة تخش بسرعتك فى قلب الماية
كل دة هيبوظلك الطنابير

2 - دووسة الفرامل
لازم كدة يكون فى سينس بينك و بين عربيتك فى دوسة الفرامل مش خبط لزق كدة
المفروض انت فاهم عربيتك و تعرف امتى تدوس على الفرامل براحة و امتى تدوس جامد
متعملش ذى سواقين الميكروباصات اللى هو من كتر ضربة الفرامل يخليك تطلع تقعد جمبة قدام
مش لازم كبسة واحدة ...
اكبس و سيب اكبس و سيب و خلى كبستك خفيفة و هادية ...

امتى اعرف ان الطنابير عاوزة تتغير ؟
1 - لما تعدى سرعة 100 و ال 110 و تحس برجة
بسيطة فى الدريسكيون ...
روح الاول اعمل ترصيص و ضبط زوايا و اظبط مقاس الكاوتش لو المشكلة متحلتش يبقى طنابير بتجيب اخرها
2 - لو اداء الفرامل مبقاش ذى الاول معاك بالرغم ان التيل حالتة كويسة .. يبقى طنابير
3 - لو عديت ال 50 - 55 الف كيلو بالعربية و لسة مغيرتش طنابير الاحسن تروح تغيرهم
لو استهلاكك عالى يبقى كل 40 - 45 الف تغير

طب ازاى العربية بتفرمل او بتقف ؟
انت لما بتدوس على بدال الفرامل .. دة بيكون متوصل بخراطيم تضخ زيت و الزيت بيروح للتيل
يقوم التيل قافش على الطنبورة و يفضل يمسك فيها و بالتالى سرعة العربية بتقل

و هو دة اللى اقصدة بقى انك يكون عندك سينس فى ضربة الفرامل ... لان كل لما تكون دوسة رجلك هادية كل لما الاحتكاك هيكون اقل و هادى و مش هيسخن الطنبورة و مش هياكل التيل
و كل لما الدوسة بتاعتك تكون غشيمة و جامدة
التيل و الطنبورة عمرهم هيخلص بسرعة

...