الأسبراتير”Distributor”
يعتبر الجزء المسئول عن توصيل الكهرباء للبوجيهات“Spark Plugs” فى توقيت معين حسب ترتيب الأسطوانات في المحرك و فيه نوعين من أنواع الأسبراتير
1- الأسبراتير العادى
2- الأسبراتير الأليكترونى
الأتنين وظيفتهم واحده و لكن بيختلفوا عن بعض بس في طريقة التنفيذ أو التنظيم ..بمعنى
1- الأسبراتير العادى :- و ده وظيفته توزيع الكهرباء على البوجيهات بترتيب معين و بيختلف عن الأسبراتير الأليكترونى في أنه بيعمل مهمته دي عن طريق حركة ميكانيكية.
2- الأسبراتير الأليكترونى :- بيعمل نفس الوظيفة اللي بيعملها الاسبراتير العادي ولكن بيفرق في أن مهمته بتبقي من غير حركة ميكانيكية أنما بتبقي عن طريق حركة أليكترونية بتوقيتات دقيقة جداّ و ده موجود في السيارات الحديثة و طبعاّ بيبقي
في فرق كبير جداّ فى الأستجابة و التجميع و السحب عن العادي
——————————————————————————–
ملحوظة :- الأسبراتير من الداخل بيحتوى على حاجتين مهمين جداّ و هماا أساس تشغيله ( الأبلاتين”Contact Breaker” – الكوندنسر”Condenser” ) و لعدم الخلط بين أنواع الكهرباء في السيارة الأسبرايتر بيظبط كهربة المحرك نفسهاا مش الكهرباء اللي بتنور الفوانيس و الطابلوه !!
————————————————————-
الأسبراتير لما بيكون مش مظبوط عند ادارة السياره مش هتدور و اذا اشتغلت السيارة و أنت ماشي بيها هتلاحظ انها “بتنتش” جامد و خصوصاّ لماا بتزود بنزين بتحس بعدم استجابه المحرك.
————————————————————-
ولضبط كهرباء الاسبراتير
الاحتياجات : مفتاح 13
والتحكم بيه فى مسمار الاسبراتير لتزويد او تاخير الكهرباء
في حالة الكهرباء عالية ( مقدمة )
—————————————-
الخليط بيكون دخل غرفة الاحتراق و البستم لسه مطلعش لاخر نقطة ممكن يوصلها و يحدث الاحتراق فتتولد الطاقة اللي عايزة تزق البستم لتحت لكن البستم عايز يكمل مشواره لسه لفوق و في الخناقة دي طاقة كتير ضاعت و ده الي بيعمل الصوت الي بنقول عليه تسقيف زي كركرة كده
في حالة الكهرباء واطية ( متاخرة )
—————————————-
الخليط دخل غرفة الاحتراق و البستم طلع لاخر مشوار ليه و ابتدي ينزل و يحدث الاحتراق فتتولد طاقة فاقدة ضغط الخليط و يتزق الي باقي من مشوار البستم و ده الي بنقول عليه السيارة فاقده للعزم او للسحب
فيرجى مرعاة ضبط توقيت الكهرباء بحيث يكون صوت المحرك هادئ مع سحب ممتاز للسيارة دون “تنتيش”
تحذير هااااااااااااام جدآآ يجب التعامل مع الاسبراتير والمحرك لا يعمل
و ده فديو بيوضحلك اكتر https://www.youtube.com/watch?v=chtk3JwZPNw