0 تصويتات
في تصنيف مقارنــــات السيارات بواسطة (12.3k نقاط)
وجهات النظر بتختلف من حد للثاني
جزء منها يتعلق بالبحث عن العلامة
والاخرى يتعلق بمعلومات مغلوطة
يعني لما بتيجي تقارن رينج سيارات زي :-
تيجوان -اكس وان -بيجو ٣٠٠٨ -توسان
انت اه حاشر وسط المقارنة BMW كبريميم براند
وده مش ضرب من الخيال ولا حاجة
ولا هو ممنوع عالميا المقارنة
بس اللي بيعطي للناس افضلية فالمقارنة برة هو القيمة مقابل السعر
يعني محدش بيطلع يقول X1 احلى فالمجمل من تيجوان او بيجو
انما بيخيرك وبيقولك السيارتين بأعلى تجهيزات في فرق مبلغ محترم يستحق التفكير او ان كنت ترغب في شراء اكس وان بنفس سعر البيجو او التيجوان بس اقل فالتجهيزات اشتريها
_________
الموضوع هنا في مصر مختلف شويتين
اول ماتلاقي مقارنة
تلاقي الف واحد داخل يرزع
جملة انت مجنون يابني
بي ام طبعا
وبرضه على النقيض الناس اللي بتقول بلاش اصل البي ام صيانات نار دول واخدين على السمع
لان فرق الصيانات الان مبقاش كبير كنسبة وتناسب من اعتمادية القطع نفسها وجدول الصيانات ومواعيد تغيير قطع الغيار
........................
طيب هل ده المعيار الاساسي فالاختيار
لا طبعا في معايير اختيارى اخرى
هو ظروف المسببات البعيدة عن جدول الصيانات ومصاريف الاستهلاك
زي لاقدر الله حوادث الطرق واسعار القطع الغالية
مثل الفوانيس والزجاج والرفرف والكبوت والاكصدامات وخلافه
وقدرتك على تحمل اي مسببات سواء هتأمن كل سنة او هتقدر على المصاريف القدرية
__________
الخلاصة :-
بي ام ليها افضلية اكثر فالسوق المصري نظرا للتجميع المحلي خلى السيارات المستوردة تقترب من سعرها
خاصة انها كمان بتقدم مواتير اكبر من السيارات المستوردة
فهنا منقدرش نفاضل فالمجمل
لكن لازم ترجع للمعايير اللي اتكلمنا عنها فوق

1 إجابة

0 تصويتات
بواسطة (12.3k نقاط)

اجابة عن طريق عمرو عزمي
 
اللي مخليك تحط ال Bmw النهارده في المقارنه هو انها بتتجمع 
في مصر فقط 
بس مش معني كده ان الزبون ده هو الزبون ده 
ده مش تقليل من حد لا سمح الله بس ده واقع 
هل زبون الفئه دي هيستحمل كل مره يتخبط ١٥ و ٢٠و ٢٥ الف كل صيانه ١٠بعد الضمان ما يخلص مثلا!!!

لما تقارن بتقارن اساسيات
موتور و فيتيس اللي ثمنهم أصلا يعدي نصف ثمن العربيه لوحده 
تقارن نظام التعليق والعفشه و الثبات ككل 
اَي حاجه بعد كده 
دي اوبشنز غير أساسيه دي موضوع الساعه بتاع البلاك اسبوت

يبقي كده انت بتطلم الزبون و العربيه ساعتها لانه دخل في شريحه تانيه من أسعار قطع الغيار بسبب رداءه الطرق و بتقصف عمرها بخلاف ان runing cost بتاعه آلبي ام و الاودي أعلي مثلا من الميرك 

يعني مثلا انا علي المستوي الشخصي لو كنت شفت عامود الدريكسيون العريان الخقير في 5008 اللي في الصالون ده لو كان ادوني فلوس علشان أجيبها مكنتش جبتها لو بترقص اودامي 

و في العالم كله. هتلاقي ان bmw &merc &audi في حته تانيه لوحدهم 
و لو عايز تجيب اقل bmw في الاوبشنز هتقابلها أعلي فئه في العربيات التانيه
و عالميا Vw 
اقل من الثلاثه في اَي حاجه 

حته قطع الغيار معروفه في مصر و بره مصر ان العربيات الثلاثه في حته لوحدهم خالص 
و بالتالي اللي بيشتري العربيات الثلاثه مش بيبص لاسعار قطع الغيار أصلا لما بياخد قرار الشراء لانه الزبونده بيقارن بين الثلاث عربيّات دول بس 

بيبص لحاجات تانيه تماما اَي اتجاهاته مختلفه عن اللي الناس في مصر بتفكر فيه كأغلبية لان مصر دي حاله خاصه جدا بسوقها 
أصلا 

و عادا بتبقي في الرفاهية الزياده -و 
لو شباب بيبقي التسارع 

الزبون هنا بيفكر في حاجات مش موجودة بره في العالم كله و أهمها أعاده البيع 

طبعا انت لما هتحطها في المقارنه هتظلمها و هتظلم اللي بيشتري 
لانه اول ما هيطلع من الضمان مثلا هتغيرلك طقم مساعدين و طقم طنابير هيخشلك مثلا في حاجه و ٣٠الف و الصيانات هتلاقيها بنعلي و بالتالي شريكه الزبون ده مش هيستحمل الكلام ده فهيبيعهاو هيخسر ركوبته 

بس في النهايه عايز تقارن قارن يا باشا براحتك 
هو في حاجه اسمها ان التوسان ولا الكيا يبقوا ب ٦٠٠و كسور 
اللي رفعهم كده الجمارك و الضرايب و جشع التجار فقربوا من آلبي ام و الميرك
فالزبون يطمع و يركب البراند فيُلبَس بعد كده 

اسئلة متعلقة

0 تصويتات
1 إجابة
...