0 تصويتات
في تصنيف مقارنــــات السيارات بواسطة (12.3k نقاط)
1- Tucson
2- Grandland X
3- 3008
4- Equinox

رأي حضراتكم ايه مع العلم إنى حالياً معايا كوجا

بالنسبالى اهم حاجه الوسع والراحة عشان الكوجا واسعة جداً وانا ١٩٣سم

بعد كده durability
وان ميكونش فيها مشاكل الواحد يكع فيها بعد الضمان ما يخلص

خلفية سريعة: أنا بقالى ١٢ سنة بسوق المانى (استرا ٢٠٠٧ ثم كوجا) فخايف شوية من الكورى والفرنساوى، خصوصاً ان ليا ٢ اصدقاء كان ليهم تجارب مرعبة مع ال٣.٨

2 إجابة

0 تصويتات
بواسطة (12.3k نقاط)
 
أفضل إجابة
انصحك انزل و جرب كل واحدة فيهم حتى على الاقل جوة المعرض جرب القاعدة و الراحة و شوف خاماتها و كمالياتها

ال equinox اوسعهم بس اقلهم كجودة خامات و انتشارا و اضعفهم كتصميم من وجهة نظري لذلك محققتش انتشار اوي

التوسان اعتمادية عالية و ده بالنسبة للمحرك التنفس الطبيعي بدون تربو و الفتيس الاوتوماتك العادي ... تصميميا كويسة و تجهيزات في الفئات العالية ممتازة بس مش ممتعة في السواقة زي بقية العربيات اللي معاها و اضعفهم

ال ٣٠٠٨ تقريبا كل حاجة فيها كويسة في ما عدا السعر الاغلى مقارنة بالمنافسين و لخبطة الفئات بس هى افضل منهم كخامات و تجهيزات و تصميم و متعة سواقة و كمان خفيفة فأفضل في المناورة

الجراند لاند هى هى ال ٣٠٠٨ كعربية .. تصميم رائع خارجيا و متحفظ شوية داخليا و ميشدكش اوي زي المنافسين بس افضلهم كقيمة مقابل سعر لأن من اول فئة مليانة تجهيزات
0 تصويتات
بواسطة (12.3k نقاط)
الوسع و الراحه للايكونكس
الكوجا جنبها شكلها صغيره
يليها التوسان
يليهم البيجو و الاوبل لان الاتنين وجهان لعمله واحده

ال durability يبقي التوسان في المقدمه
و الباقي وراها مش بكتير و كلهم جنب بعض في راي خصوصا انهم نفس التوكيل

ال 3008 الجديده ملهاش علاقه بالقديمه و اتطورت و اتحسنت جامد و حتى ك durability بيجو اهتمت بالموضوع ده

اسئلة متعلقة

0 تصويتات
1 إجابة
0 تصويتات
1 إجابة
...