فيه ناس بتكتفي بإنهم يكشفوا علي الزيت ومقاسه ويقولوا إن العربية دي تمام !! بس علي فكرة ريحة الزيت ولونه مش مقياس لحالة الموتور إطلاقاّ ..
- عارفين فتحة تزويد الزيت لما بتفتحوها والموتور داير المفروض هتلاحظوا خروج هوا سخن بس لو فتحتوا غطا الزيت وشميتوا ريحة عادم أعرفوا إن الشنابر وكاوتش الصباب بيهربوا كبسهم لفوق ده مبدئياّ كدة ..
- عارفين فتحه فايظ الزيت اللي غالباّ بتبقي متصلة بمكان ما في العمة علي وش الموتور المفروض إنها بتبقي معرقه زيت علي خفيف قوي إنما لو مغرقة الدنيا أعرفوا إن الموتور ده بيطرش زيت جامد ..
- حطوا صباعكم في الشكمان من ورا وخرجوه تاني المفروض إنه ما يتهببش لأنه لو هبب كتير أوي يبقي الحريق بتاع الموتور ده مش مظبوط والعربية دي بتاكل بنزين