الكامبر ده بيبقي زاوية من زوايا العجل المتعارف عليها وبشكل عام بيبقي في العربية 4 زوايا للعجل
1- زاوية الكاستر ودي بتبقي زاوية ميل محور توجيه العجلة بالنسبة للمستوى الرأسي لقدام أو لورا يعني
2- زاوية الكامبر ودي زاوية ميل العجلة بالنسبة للمستوى الرأسي, حول المحور العرضي للعجلة
3- زاوية التو إن ودي بتبقي ميل العجلة بالنسبة للمستوي الرأسي
4- زاوية إستيرنج أكسل ودي زاوية ميل محور توجيه العجلة بالنسبة للمستوى الرأسي, لبره أو لجوه
زاوية الكامبر Camber angle
زاوية الكامبر دي زاوية ميل العجلة بالنسبة للمستوى الرأسي لما تبصلها من قدام وبتبقي متقاسه بالدرجات ولما بيبقي فيه زاوية كامبر بتلاقي العجل مايل على الأرض.
وبيبقي فيه حالتين الأولي حالة إن النقطة العليا في العجلة بتكون مايله عن المستوي الرأسي لبره العربية وفي الحالة دي بتكون زاوية الكامبر موجبة, أما في الحالة التانية حالة إنها مايلة لجوه العربية بتكون زاوية الكامبر سالبة