هتفك وش السلندر بعد ما العربية تبرد خالص وفى حالة إنه إتعوج هتروح بيه للخراط يعدله ويرجع زى ما كان وتنضف مكان الجوان القديم بعد كدة هتعمل عملية تنضيف لدورة التبريد كلها وتكشف على طلمبة المياه وساعة المروحة و تراجع علي كل الخراطيم وأى خرطوم يكون طرى لازم تغيره عشان يقدر يتحمل قوة الضغط العالية
أما فى حالة تغيير وش السلندر بواحد تاني هتبدأ بتليين العربية عليه لمدة أسبوع على الأقل وخلال الأسبوع ده متحرقش على الغيارات عشان يبدأ وش السلندر الجديد يطبع مع الموتور وبتروح تانى للمكانيكى عشان يربط على مسامير وش السلندر وطبعاّ لازم تغير بوجيهات وزيت وفلتر زيت ويفضل تغيير مسامير وش السلندر القديمة.