تنتيش العربية وهي ماشية بشكل عام بيبقي ليه أكتر من سبب :-
مثلاّ ممكن أوي تكون كهربا مش مظبوطة بمعني إن فيها تقديم أو تأخير ودي بيخلي البوجيه شرارته تتأخر أو تبقي متقدمة.
وممكن يكون الإسبراتير مقدم أو مأخر بمعني إنه لازم يتلف بطريقة معينة لحد ما الكهربا ترجع للوضع المناسب من تاني وممكن يكون شاكوش الإسبراتير محتاج يتصنفر.
شوف البوجيهات وسلوكها لأن لو البوجيه محروق أو جايب زيت الشرارة مش هتبقي مظبوطة بالقدر المناسب لحدوث الشرارة ولو أي سلك من السلوك مش بيوصل كهربا للبوجيه بتاعه هيحصل نفس الكلام.
شوف الكربراتير لأنه ممكن يكون مسدود أو مش نضيف وده طبعاّ بيبقي بسبب البنزين خصوصاّ الـ 80 فا المفروض إنك بتشتري منظف كاربراتير وتمشي بالدليل علي كل فتحة وتنضفها.